|
Antworten: 10
|
 Memphis
Marine
Herkunft: Zofingen
Beiträge 25
|
# Thema - 22.02.2008 - 13:04
So mol es chliises update us indie.
Ech lebe do enere milione stadt wo vor 10 johr no en wueeschti gsi esch (jetzt gseht me aber e alli rechtige nor no stadt bes an horizont)
Also recht modern das do alles. gseht aendlich we en europa us do (grossstadt). ossert de verchehr de esch abartig, sowas we verchehrsregle gets do ned, esch am afang relativ schwaer oeberhoupt oeber en stross zcho, aber me gwoent sech drah (handzeiche ond so...) loufsch halt eifach mette dore fahrendi verchehr dore ond ergendwie passiert nix  . Ah doch ei regle gets wer huupt het vortrett (fonktioniert ou erschtunlich guet) ond chuee hend emmer vortrett.
Es esch ongloublich was me do en indie a geld cha verdiene. die riiche luet woesset ned so recht was met erem geld afange also choufet si land osserhalb vo de stadt ond bouet hueser druf. de wartes es paar johr bes t Stadt bes zo erem grondstoeck gwachse esch ond de choenes die hueser ond sland foer 4-8fache vom afangspriis verchoufe. ond je meh das machet desto schnaeller wachst ou tstadt, desto schnaeller choenets ehri hueser verchoufe ond weder neui lo boue... (luet hets eh gnue do).
Aber ou uf de bank gets ordentlich zins. wenn me zum bischspell geld for 120 tag fest aleit inere bank bechont me 8% zins ufes ganzes johr use macht da de met zinseszins 26% us (nach 3 johr esches verdoppelt)
Schono krassi sach do stenke mer met eusne 1,5% oder so foer sgliche ordentlich ab.
naja ufem land beni beshaer noned so vell gsi nor einisch chorz. dert gsehts scho eher so us we me sech indie so vorstellt be eus. ab em Sonntig gohts de ufne tripp ond de gsehni dae teil vo indie chli meh.
|
|
Offline |
|
|
|
DeXt3r
Captain
Herkunft: Basel
Beiträge 176
|
# Antwort: 1 - 22.02.2008 - 13:08
jo, deför hesch kei garantie uf dini kohle. muesch di nid wundere wenn plötzlich die bank wie vom ärdbode verschuggt isch.
------------------
---------------------------------------- ------------------------------------
Hopp SanGalle, ine mit em Balle..... Neeeeiiii, nid i da goal
|
|
Offline |
|
|
|
Memphis
Marine
Herkunft: Zofingen
Beiträge 25
|
# Antwort: 2 - 22.02.2008 - 13:25
ich denke so banke we deutsche bank ,komerzbank, credit suisse... chan me scho einigermasse vertroue. Du vergessisch, dass ich do be verwannte ben ond die iheimische waerdet scho woesse was sie machet ond wem me vertroue chan ond wem ned (ich bezwiifle ned dass es ou soerig get wo de eifach verschwendet). die choenet eifach so vell zens gaeh well die wertschaft do so extrem schnell wachst ond dorom tbanke ou vell meh gwoen choenet mache als be eus.
was i beshaer vergaesse han, esch dass de strom aktuell es grosses problem esch. Se haend schlecht zwenig devo, soell heisse am obig gheit de strom all paar stond mol us, allerdengs hend eifach alli hueser eri eigete notgeneratore ond so esch de strom nor emmer foer es paar sekonde waeg.
Nestle het do ergendwie es monopol en sache kafi ufbout, die nenne kafi do ned emol me kafi das nennt sich do Nescafe (gstoert) han mer lo saege, dass es en china ou so soell si. 1/3 vo de Erdbevoelkerig trenkt nor Nestle-kaffee...
osserdem (ond das wert vorallem de Malek enteressiere) gets do ou Mcdonalds de ontersched esch eifach, dass es do ned en McDrive get sondern McDelivery, sprech die brenge das zueg diraekt zo der hei.
Zuletzt editiert von Memphis am 22.02.2008 - 13:59 (3x Editiert)
|
|
Offline |
|
|
|
DMC N363R
Predator
Herkunft: Goldach
Beiträge 316
|
# Antwort: 3 - 23.02.2008 - 14:22
yeah vj in india geile siech! vom mcdelivery hani schomol was ghört, en kolleg vo mir isch vor churzem im china gsi. er het sich amel nachts am 3 no bigmacs is hotelzimmer liefere loh für 60 rappe ;D
bis wenn bliebsch döt?
------------------
visit: www.x2k3.com | www.scheissefressen.de | www.burgerking.ch
|
|
Offline |
|
|
|
Memphis
Marine
Herkunft: Zofingen
Beiträge 25
|
# Antwort: 4 - 01.03.2008 - 05:11
be no bes am 14. Maerz do en indie. im momaent beni grad am omereise ond hocke emene internetcafi (gets jenschti devo i jedere groessere stadt) esch no enteressant gseht abgseh vo delhi in indie scho no so us we me sech das allgemeint vorstellt.
Dluet send do mega offe alli schnorre di eifach ah ond foend met der a plaudere. Han aemu scho etlichi luet kenneglehrt do, leider beni amigs nor so 1-2 tag a eim ort, bevors wiiter goht.
ben jetzt ou die erste 100km in indie outogfahre, das esch hardcore saeg i euch! da muesch sowas vo ufpasse. han mi gerrt gha met em hupe. das esch ned zum vortrett ha, das esch damet die andere fahrer woesse wo du besch wellt nor met luege nie em laebe nochechonsch be dem verchehr. die fahre do met luege ond lose damets ke onfaell get. ond vorallem gets uf de strosse fasch alles vo trucks oeber rikshas (velotaxis), kamel, chue, geisse bes zo hoend ond fuesgaenger alles, eifach voll dorenander. Vorallem be de Kamel (maengisch ou affe) muesch uhuere ufbasse well wenn si mol ufgschreckt send seckle si eifach weld ergendwohe ohni uf de verkehr zachte.
Bahnoebergaeng send ou no recht wetzig, die send do halt ned outomatisch. A jedem bahnoebergang hets so 2 agstellti wo woesset wenn en zog soeti cho ond mache de de bahnoebergang zue. Aber die woesset amigs ou ned oeb de zog verspoetet esch so chas dorchus passiere, dasst emol en halbstond am bahnoebergang wartisch bes en zog chont.
oeber tstrosse ufem land lot sich eigentlich nor eis lo saege, geht vo sehr guete strosse bes zo strosse wo me sech denkt "hae wo hets do en stross??" alles.
so schriibe de weder wenn i zrog en dehli ben.
Zuletzt editiert von Memphis am 01.03.2008 - 05:13 (1x Editiert)
|
|
Offline |
|
|
|
Memphis
Marine
Herkunft: Zofingen
Beiträge 25
|
# Antwort: 5 - 07.03.2008 - 06:10
so back in delhi 
geschter hani serscht mou eis vo de 7 weltwonder gseh ( taj mahal).
scho no sehr beidrockend wenn me das en aecht gseht!! sones riisigs gebaeude nor foer eis grab go boue esch aecht  !!
no fasch besser als s taj mahal saelber esch aber gsi, dass i enere inderin ( gloub so 19joehrig) gfalle han, si mi denn ehrere muetter zeigt het ond die de cho esch cho froge, oeb i en indischi abstammig heg ond us was foerere familie i chome. han de chli blauaugig uskonft gaeh, bes i begreffe han, dass sie denach frogt, damet si de met dene cha tbedengige foer en hochziit chan ushandle. ich han ere de erklaehrt dass ich in europa ufgwachse ben ond secher kei arrangierti hochziit foer me in frog chont (ou wenn ehri tochter aecht guet usgseh het!!). se esch de es bez enttuescht zo erere tochter zrog gange.
so uf jede fall ben i jetzt gnue em land omegreist ond be zrog en delhi.
get jetzt no chli familietoerk ond schoppe ond de chomi am 14.Maerz am 2 am morge en klote ah (nacheme 9,5h flog).
ach oeppis hani no vergaesse ich han de gemini-bus gseh, da teil het aecht genau so usgseh, we da beld woni em alte forum als signatur gha han. esch no loschtig gsi vorallem wells met das rollende Hotel agschrebe gsi esch ond en duetschi nommere gha het. nemmt mi echt wonder wie lang die onterwegs gsi send bes uf indie, ond wo dore si gfahre send. dore irak ond pakistan jo chum ond alli andere waege send en riise omwaeg, well me de rond ome himalaya mues omefahre (rossland, china, ond de burma waer die ander moeglichkeit
Zuletzt editiert von Memphis am 07.03.2008 - 06:19 (1x Editiert)
|
|
Offline |
|
|
|
DeXt3r
Captain
Herkunft: Basel
Beiträge 176
|
# Antwort: 6 - 07.03.2008 - 10:48
lol, hetsch de mueter ou gseit, du wellsch eri tochter zersch mol "teschte" 
die schwobe send velech met em scheff chO?
------------------
---------------------------------------- ------------------------------------
Hopp SanGalle, ine mit em Balle..... Neeeeiiii, nid i da goal
|
|
Offline |
|
|
|
DMC N363R
Predator
Herkunft: Goldach
Beiträge 316
|
# Antwort: 7 - 07.03.2008 - 20:01
hey chasch mir die inderin schicke, also ich nimm si. vo mir us au arrangierti hochzit, i vertrau do voll und ganz uf din gschmack!
------------------
visit: www.x2k3.com | www.scheissefressen.de | www.burgerking.ch
|
|
Offline |
|
|
|
MaxPayne
Captain
Herkunft: Goldach
Beiträge 153
|
# Antwort: 8 - 09.03.2008 - 10:18
lool affe uf de stross, i glaub i wür die grad extra überfahre hehe
|
|
Offline |
|
|
|
DeXt3r
Captain
Herkunft: Basel
Beiträge 176
|
# Antwort: 9 - 10.03.2008 - 12:19
07.03.2008 - 20:01 - DMC N363R:
hey chasch mir die inderin schicke, also ich nimm si. vo mir us au arrangierti hochzit, i vertrau do voll und ganz uf din gschmack!
der n363r nimmt alles was nicht bei 3 auf den bäumen ist 
------------------
---------------------------------------- ------------------------------------
Hopp SanGalle, ine mit em Balle..... Neeeeiiii, nid i da goal
|
|
Offline |
|
|
|
DMC N363R
Predator
Herkunft: Goldach
Beiträge 316
|
# Antwort: 10 - 11.03.2008 - 00:45
standard alta
------------------
visit: www.x2k3.com | www.scheissefressen.de | www.burgerking.ch
|
|
Offline |
|
|
Antworten: 10
|
HEADLINES
SHOUTBOX
LATEST MATCHES
